Navoiy viloyatida uch nafar niqob kiygan shaxs “Paynet” infokioskasini o‘g‘irladi. Bu haqida Upl.uz xabar berdi.
Bu haqda huquqni muhofaza qilish organlari xabar bermoqda. Rasmiy ma’lumotlarga ko‘ra, 4 avgustdan 5 avgustga o‘tar kechasi noma’lum uch kishi Tracker rusumli avtomashina bilan infokioskka yaqinlashgan.
Avtomashinaning davlat raqamlari bo‘lmagan. Shaxslar infokioskani avtomashinaga yuklab olib, voqea joyidan ketib qolgan.
Olib borilgan choralar natijasida infokioskni 2000, 2002 va 2004 yillarda tug‘ilgan yoshlar o‘g‘irlagani aniqlangan. Qurilma ichida jami 5 million 263 ming so‘m naqd pul bo‘lgan.
Umumiy yetkazilgan zarar miqdori 36 million so‘mdan oshadi. Hozirda mazkur holat yuzasidan jinoyat ishi qo‘zg‘atilgan va tergov harakatlari davom etmoqda.
