Sankt-Peterburg yaqinidagi Yanino-1 qishlog‘ida O‘zbekiston va Tojikiston fuqarolari ishtirokidagi jamoaviy janjal yuz berdi. Bu haqida Upl.uz xabar berdi.
Huquqni muhofaza qiluvchi organlarning ma’lumotlariga ko‘ra, mojaroning sababi qurilish maydonchasida yuzaga kelgan kundalik tortishuv bo‘lgan. Janjal tezda keng ko‘lamli to‘qnashuvga aylanib, mahalliy aholi e’tiborini tortdi.
Huquq-tartibot idoralari hodisaga tezkor javob qaytarib, o‘tkazilgan reyd davomida 30 nafar Tojikiston va O‘zbekiston fuqarolari politsiya bo‘limlariga olib ketildi. Surishtiruv davomida uch nafar 22 dan 26 yoshgacha bo‘lgan Tojikiston fuqarolari janjalni boshlagani aniqlanib, ularga Rossiya Federatsiyasi Jinoyat kodeksining 213-moddasi — "xuliganlik" bo‘yicha jinoiy ish qo‘zg‘atildi.
Qolgan 23 nafar ishtirokchi, jumladan 14 nafari Tojikiston va 9 nafari O‘zbekiston fuqarolari ma’muriy javobgarlikka tortildi. Bundan tashqari, ushlangan O‘zbekiston fuqarolaridan biri Rossiya hududida noqonuniy bo‘lib chiqdi va u maxsus muassasaga joylashtirildi.
Ushbu shaxs keyinchalik mamlakatdan chiqarilishi rejalashtirilmoqda. Huquqni muhofaza qiluvchi organlar vaziyatni nazorat ostida ushlab, qonuniy choralar ko‘rmoqda.
