2025 yilning 1 sentyabridan boshlab O‘zbekistonda ta’lim muassasalari rahbarlarining ish haqlari oshiriladi. Bu haqida Upl.uz xabar berdi.
Bu qaror 2025 yil mart oyida qabul qilingan farmonga asosan amalga oshirilmoqda. Xususan, kuz oylaridan boshlab maktab direktorlarining maoshlari 20 foizga, ularning o‘rinbosarlarining maoshlari esa 15 foizga ko‘payadi.
Shuningdek, 2026 yilning 1 yanvaridan boshlab rahbarlarga KPI asosida mukofotlar joriy etiladi. Direktorlar uchun bu mukofot 20 foizni, ularning o‘rinbosarlari uchun esa 10 foizni tashkil etadi.
Bundan tashqari, bog‘cha mudirlarining ish haqlari ham oshiriladi. Ushbu chora-tadbirlar ta’lim sohasidagi rahbarlarning moddiy holatini yaxshilash va ularning ish samaradorligini oshirishga qaratilgan.
O‘zbekistonda ta’lim sifatini yaxshilash maqsadida rahbarlarga qo‘shimcha rag‘batlar yaratish davom ettirilmoqda.
