Surxondaryo viloyati IIB matbuot xizmatidan ma’lum qilinishicha, 2025-yil 27-aprel kuni Termiz shahri, “Shifokor” mahallasida yashovchi, 2006-yilda tug‘ilgan Xasanov Dilshoda Yusud qizi uyidan chiqib, noma’lum tomonga yo‘l olgan. Bu haqida Upl.uz xabar berdi.
Afsuski, hozirgacha u uyiga qaytmagan va uning qayerdaligi haqida hech qanday ma’lumot yo‘q. Agar siz ushbu yo‘qolgan qizni ko‘rgan bo‘lsangiz yoki uning qaerda ekanligini bilsangiz, iltimos, 102 qisqa raqamiga yoki quyidagi telefon raqamlariga murojaat qiling: +998 97 785 14 41, +998 91 911 99 97.
Sizning har qanday ma’lumotingiz qizning tezroq topilishiga yordam beradi. Ijtimoiy ahamiyatga ega bo‘lgan bunday holatlarda tezkor va hamkorlikda harakat qilish muhimdir.
