Almaliqda fojiali voqea yuz berdi: Ichki ishlar vazirligi huzuridagi Qo‘riqlash boshqarmasi xodimi xizmat qurolidan o‘z joniga qasd qildi. Bu haqida Upl.uz xabar berdi.
Bu haqda Kun.uz axborot agentligi xabar berdi. Hodisa 29 avgust tongida sodir bo‘ldi.
37 yoshli xodim Almaliqda xizmatda bo‘lgan va navbatchilikdan chiqib, xizmat qurolini topshirmay uyiga ketgan. Manbalarning bildirishicha, u uyida o‘z joniga qasd qilgan.
Qo‘riqlash boshqarmasi matbuot kotibi jurnalistlarga bergan izohida voqeaning fojiali ekanligini tasdiqladi. U navbatchilik tugagach, qurolni batalonga topshirish majburiyati borligini, ammo xodim buni bajarmaganini ta’kidladi.
Hozirda o‘lim holati bo‘yicha sud-tibbiy ekspertiza tayinlangan. Voqeaning sabab va shart-sharoitlari, shuningdek xizmat bilan bog‘liq boshqa jihatlar prokuratura organlari tomonidan tergov qilinmoqda.
