Toshkent shahridagi Goluboy kupolalar parki oilalar uchun dam olish maskani hisoblanadi. Bu haqida Upl.uz xabar berdi.
Bu yerda bolalar o‘ynaydi, oilalar sayr qiladi. Biroq, ayni shu joyda otlar ham yurishi xavotir uyg‘otmoqda.
Otlarga yosh yigitlar hamroh bo‘ladi, lekin ular ko‘pincha hayvonlarni nazoratsiz qoldiradi. Bu holat parkdagi dam oluvchilarning xavfsizligiga tahdid soladi.
Agar ot bolaga yoki kattaga jarohat yetkazsa, javobgarlik kimda bo‘lishi aniq emas. Shuning uchun parkda dam olish osoyishtalik va xavfsizlik sharoitida tashkil etilishi zarur.
Ot minish uchun maxsus jihozlangan maydonlar mavjud bo‘lib, u yerda hayvonlar va odamlar o‘rtasidagi munosabatlar mutaxassislar nazoratida bo‘ladi. Shunday ekan, ochiq joylarda otlarni nazoratsiz qoldirish maqsadga muvofiq emas va xavfsizlik qoidalariga rioya qilinishi lozim.
