Samarqandda 14 yoshli qiz 8-qavatdan o‘zini tashlab joniga qasd qildi

Samarqandda 14 yoshli qizning 8-qavatdan o‘zini tashlab, joniga qasd qilgani aks etgan video ijtimoiy tarmoqlarda tarqaldi. Ushbu voqea haqida Bosh prokuratura matbuot xizmati rahbari Hayot Shamsutdinov xabar berdi.

Ma’lum bo‘lishicha, 13-yanvar kuni soat 17:30 atrofida Samarqand viloyati Saxovat MFYda yashagan, 29-maktabning 8-sinf o‘quvchisi, voyaga yetmagan 2010 yilda tug‘ilgan M.R. Bahor MFYda joylashgan ko‘p qavatli uy binosining 8-qavat yo‘lak derazasidan o‘zini tashlagan.

Voqea yuzasidan Samarqand shahar prokuraturasi tomonidan tergovga qadar tekshiruv ishlari olib borilmoqda.

Hodisa tafsilotlarini o‘rganish uchun sud-tibbiy ekspertiza tayinlanib, mas’ul idoralar tomonidan xizmat tekshiruvi amalga oshirilmoqda.