Toshkent shahrida atrof-muhit monitoringi ko‘nikmalarini rivojlantirishga qaratilgan ta’lim loyihasi boshlandi. Bu haqida Upl.uz xabar berdi.
Ekologiya vazirligi, poytaxt hokimiyati va Zamin jamg‘armasi hamkorligida “Daraxtlar reestri” nomli tashabbus yo‘lga qo‘yildi. Ushbu loyiha doirasida 20 dan 30 yoshgacha bo‘lgan yoshlar uchun yashil o‘simliklarni hisobga olish bo‘yicha bepul o‘quv kurslari tashkil etiladi.
Loyihaga 100 nafar ishtirokchi tanlab olinadi va ular ikki haftalik intensiv kursdan o‘tadi. Kurs dasturida ekologiya va dendrologiya asoslaridan tortib GPS va GNSS uskunalari bilan ishlashgacha bo‘lgan mavzular o‘z ichiga oladi.
O‘quv jarayoni yakunida har bir qatnashchiga malakasini tasdiqlovchi sertifikat beriladi. Ushbu loyiha eng jozibali jihati – ishga joylashish imkoniyatidir.
Kurs bitiruvchilari “Daraxtlar reestri” loyihasi doirasida ikki yilgacha bo‘lgan muddatda maoshli ishga qabul qilinadi. Dasturda qatnashish uchun ekologiya, geodeziya, kartografiya sohalarida asosiy bilimlar va Windows hamda GPS texnologiyalaridan ishonchli foydalanish talab etiladi.
Arizalar 1 iyuldan 10 iyulgacha qabul qilinadi. Hujjatlarni [email protected] elektron pochta manziliga yuborish mumkin.
