O‘zbekiston Respublikasi Davlat statistika qo‘mitasi tomonidan Germaniyadan kelgan sayyohlar haqidagi ma’lumotlar e’lon qilindi. Bu haqida Upl.uz xabar berdi.
Qo‘mitaning taqdim etgan ma’lumotlariga ko‘ra, joriy yilning yanvaridan apreligacha O‘zbekistonga Germaniyadan jami 8,7 ming nafar fuqarolar tashrif buyurdi. Bu ko‘rsatkich o‘tgan yilning mos davriga nisbatan 1,1 mingga yoki 14,5 foizga oshgan.
Germaniya fuqarolarining O‘zbekistonga kelish maqsadlari quyidagicha taqsimlangan: sayohat uchun 7 178 nafar, qarindoshlarni ziyorat qilish uchun 980 nafar, ish bilan bog‘liq safar uchun 467 nafar, tadbirkorlik faoliyati bilan shug‘ullanish uchun 48 nafar hamda ta’lim olish maqsadida 17 nafar kishi kelgan. Ushbu ma’lumotlar mamlakatimizga kelayotgan xorijiy sayyohlar oqimining o‘sib borayotganini ko‘rsatadi hamda turizm va boshqa sohalarni rivojlantirishda muhim ahamiyatga ega.
👍 0❤️ 0😂 0😢 0😡 0
