O‘zbekiston Respublikasi Vazirlar Mahkamasining 2025 yil 7 iyuldagi 413-sonli qarori bilan harbiy-texnik mutaxassisliklar bo‘yicha chaqiruvchilarni tayyorlash tartibi hamda ularni O‘zbekiston Qurolli Kuchlarida xizmat o‘tashga tanlash tartibi tasdiqlandi. Bu haqida Upl.uz xabar berdi.
Bu haqda O‘zbekiston Respublikasi Adliya vazirligi matbuot xizmati ma’lum qildi. Hujjatga muvofiq, har bir chaqiruvchi yilda faqat bir marta tanlovda ishtirok etish huquqiga ega.
Tanlov jarayoni chaqirilish yilidan oldingi yilning 10 avgustidan boshlanib, chaqirilish yilining 10 fevraliga qadar davom etadi. Suhbat davomida chaqiruvchidan quyidagi ma’lumotlar aniqlanadi: harbiy xizmatga qiziqishi va istagi, huquqbuzarliklar, javobgarlikka tortilish va sudlanganlik holatlari, sog‘liq holati, bilim darajasi, oilaviy ahvoli va boshqa muhim jihatlar.
Shuningdek, suhbatdan tashqari, umumjismoniy tayyorgarlik darajasi baholanadi. Chaqiruvchilar quyidagi jismoniy ko‘rsatkichlarni muvaffaqiyatli bajarishi talab etiladi: turnikda tortilish, 100 metr masofaga yugurish va 3000 metr masofaga yugurish.
Tanlov natijalariga ko‘ra chaqiruvchining harbiy xizmatga tavsiya etilishi yoki etilmasligi haqida xulosa beriladi.
