Toshkent shahrida va unga tutash viloyatda yagona transport tizimi joriy etilmoqda. Bu haqida Upl.uz xabar berdi.
Bu tizim jamoat transportini sezilarli darajada yaxshilashga qaratilgan. Har kuni poytaxtga taxminan bir million odam keladi, shulardan 275 ming nafari Toshkent viloyati aholisi hisoblanadi.
Shu sababli yangi aglomeratsiya modeli 1 sentyabrdan ishga tushiriladi. Ushbu model doirasida asosiy chora-tadbirlar quyidagilarni o‘z ichiga oladi.
Hozirda Toshkentning Aylana yo‘li bo‘yicha tugaydigan 20 ta avtobus yo‘nalishi 15-20 kilometrga cho‘zilib, viloyat aholisiga qulayroq transport imkoniyatlari yaratadi. Shuningdek, 6 ta yangi yo‘nalish ochiladi, bu esa jamoat transporti tarmog‘ini kengaytirib, yo‘lovchilarga yanada qulay harakatlanish imkonini beradi.
Marshrutlarning cho‘zilishiga qaramay, kutish vaqtining oshmasligi uchun sentyabrgacha poytaxtga yana 200 ta yangi avtobus olib kelinadi, kelasi yilda esa yana 1000 ta qo‘shimcha transport vositasi taqdim etiladi. Yangi tartib 1 sentyabrdan Toshkent shahri va viloyatda, 1 yanvardan esa boshqa yirik shaharlarda joriy etiladi.
Bu o‘zgarishlar jamoat transportining samaradorligini oshirishga xizmat qiladi.
👍 0❤️ 0😂 0😢 0😡 0
