Ijtimoiy tarmoqlarda poytaxtda taksi haydovchisi qizni kaltaklagani haqida ma’lumot tarqaldi. Bu haqida Upl.uz xabar berdi.
Ushbu xabar Facebookdagi yirik guruhlarda e’lon qilindi. Jabrlangan ayol zo‘ravonlik voqeasini o‘zi hikoya qildi.
Qizning aytishicha, uning ish joyiga eshikdan eshikka xizmat ko‘rsatadigan taksi orqali buyurtma berilgan. Haydovchi ofisga chiqishni rad etib, mijoz o‘zi tashqariga chiqishini talab qilgan.
Ofis xodimlaridan biri tashqariga chiqqanida, haydovchi unga baqirib gapirgan. Qiz buyurtma to‘lanmaganini bilmagan va o‘zida pul bo‘lmagan.
Jabrlangan shaxs haydovchidan ofisga chiqib pulni olishni so‘ragan, biroq u uni qo‘lidan ushlab silkitgan, so‘ng qo‘llarini sindirishga uringan va posilkani tortib olgan. Jabrlangan ayol voqea yuzasidan ariza yozganini ma’lum qildi.
Yandex.Taksi matbuot xizmatidan UPL muxbiriga ushbu holat bo‘yicha izoh berildi. Ular vaziyatdan xabardor ekanliklarini, agressiv xulq-atvor qabul qilib bo‘lmasligini ta’kidladi.
Hozirda ushbu haydovchi buyurtmalardan chetlashtirilgan. Ichki tekshiruv olib borilmoqda va huquqni muhofaza qiluvchi organlarga yordam berishga, shuningdek, rasmiy so‘rovnoma asosida zarur ma’lumotlarni taqdim etishga tayyor ekanliklari bildirildi.
