Toshkent shahar IIBB matbuot xizmatidan ma’lum qilishlaricha, ijtimoiy tarmoqlarda tarqalgan ma’lumotga izoh berildi. Bu haqida Upl.uz xabar berdi.
Ijtimoiy tarmoqlarda bir nechta fuqarolar o‘rtasida yuzaga kelgan so‘zli janjal aks etgan video tarqaldi. Tomonlar bir-birini haqorat qilib, jismoniy kuch ishlatishga uringan.
Hodisa joriy yilning 9 iyul kuni soat taxminan 23:45da Almazar tumani, Karakamish massivida joylashgan kafelardan birida sodir bo‘lgan. Mojaro kafening 1989 yilda tug‘ilgan xodimi bilan 1992 yilda tug‘ilgan mijozasi o‘rtasida yuzaga kelgan.
Mijozaning xodimga ishdan bo‘shatish bilan tahdid qilgani qayd etildi. Mazkur holat yuzasidan qonunbuzarlarga nisbatan O‘zbekiston Respublikasi Ma’muriy javobgarlik to‘g‘risidagi kodeksining “Haqorat qilish” hamda “Mayda bezorilik” moddalariga asosan ma’muriy bayonnomalar rasmiylashtirildi.
Ish Almazar tumani sudiga jinoyat ishlari bo‘yicha ko‘rib chiqish uchun yuborildi. Sud qonuniy qaror qabul qiladi.
