Sankt-Peterburg shahrida huquqni muhofaza qiluvchi organlar O‘zbekiston fuqarosini qo‘lga oldi. Bu haqida Upl.uz xabar berdi.
U davlatni aldashda gumon qilinmoqda. Bu haqda Sankt-Peterburgda nashr etiladigan «Fontanka.ru» axborot va ijtimoiy-siyosiy elektron gazetasi xabar berdi.
33 yoshli O‘zbekiston fuqarosi Gjatka ko‘chasida ushlangan. Hujjatlar tekshiruvida uning xalqaro qidiruvda ekani aniqlangan.
U vatandoshimiz jinoyat ishi doirasida gumon qilinmoqda. Oldin u muvaffaqiyatli tadbirkor bo‘lgan, biroq kompaniyasining bir qism daromadini yashirishda ayblanmoqda.
Ushbu harakatlar natijasida O‘zbekiston davlat byudjeti soliqlar shaklida 10 million rublga yaqin mablag‘ni ololmagan. Hodisa yuzasidan tergov ishlari davom etmoqda.
Huquqni muhofaza qiluvchi organlar qonuniy chora ko‘rmoqda.
