Ijtimoiy tarmoqlarda qo‘rqinchli video tarqaldi, unda vatandoshimizning voyaga yetmagan qizni zo‘rlashga uringanligi ko‘rsatilgan. Bu haqida Upl.uz xabar berdi.
Hodisa Rossiyaning madaniyat poytaxti Sankt-Peterburg shahrida sodir bo‘lgan. Erkak qizga yaqinlashib, "Men o‘zbekman.
Seni sevaman", deb murojaat qilgan va uni o‘ziga qo‘shilishga taklif qilgan. Jabrlanuvchi muloyimlik bilan rad javobini berib, hech qayerga bormasligini aytgan.
Shunga qaramay, erkak unga yaqinlashib, zo‘rlashga urinib, ustidan bosim o‘tkazgan. Vaziyatga guvoh bo‘lgan boshqa yigitlar aralashgach, u qochib ketgan.
Hozirda uning izini topish uchun qidiruv ishlari olib borilmoqda. Bu holat jiddiy qoralanib, bunday jinoyatlarga qarshi qat’iy chora ko‘rilishi zarurligi ta’kidlanmoqda.
Ota-onalar va jamiyat vakillari yoshlar xavfsizligini ta’minlash uchun birgalikda harakat qilishlari muhimdir.
