O‘zbekiston Respublikasi Vazirlar Mahkamasi tomonidan 2025 yil 16 iyuldagi 446-sonli qaror bilan 2025–2027 yillarga mo‘ljallangan respublika va mahalliy ijro hokimiyati organlarida ichki nazorat tizimini yanada takomillashtirish konsepsiyasi tasdiqlandi. Bu haqida Upl.uz xabar berdi.
Bu haqda O‘zbekiston Respublikasi Adliya vazirligi matbuot xizmati ma’lum qildi. Qabul qilingan konsepsiya ichki nazorat tizimining ustuvor yo‘nalishlari, vazifalari hamda uning o‘rta va uzoq muddatli rivojlanish bosqichlarini belgilaydi.
Konsepsiyada ichki nazoratning beshta asosiy yo‘nalishi ko‘rsatib o‘tilgan: nazorat muhitining yagona tizimini shakllantirish; xavflarni boshqarish tizimini samarali joriy etish; nazorat jarayonlarining samaradorligini oshirish; axborot-kommunikatsiya tizimini takomillashtirish; ichki nazorat tizimini doimiy monitoring qilish va hisobdorlikni mustahkamlash. Ushbu maqsadlarga erishish uchun konsepsiya quyidagi asosiy mexanizmlarni o‘z ichiga oladi: ichki nazorat tizimini tashkil etishda standartlashtirish maqsadida qonunchilik bazasini takomillashtirish; ichki nazorat tizimini yanada rivojlantirish; xodimlarni tayyorlash, qayta tayyorlash va malakasini oshirish tizimini rivojlantirish.
Mazkur konsepsiyaning tasdiqlanishi O‘zbekistonda zamonaviy, ochiq va samarali davlat boshqaruv organlarini shakllantirish yo‘lida muhim qadam hisoblanadi.
👍 0❤️ 0😂 0😢 0😡 0
