Jizzax viloyati Ichki ishlar boshqarmasi matbuot xizmati tomonidan ma’lum qilinishicha, Arnasoy tumanida giyohvand moddalarni katta miqdorda saqlash holati aniqlangan. Bu haqida Upl.uz xabar berdi.
Ichki ishlar organlari xodimlari tomonidan o‘tkazilgan tezkor-profilaktik tadbir davomida shubhali fuqaro to‘xtatilib, tekshiruvdan o‘tkazilgan. Fuqaroning shaxsiy ko‘zdan kechirilishi guvohlar ishtirokida amalga oshirilgan.
Tekshiruv natijasida, 1972 yilda tug‘ilgan, Jizzax viloyati Paxtakor tumanidagi “Paxtakor” mahallasida yashovchi fuqaroning yonida 11 kilogramm 525 gramm giyohvand modda – marixuana saqlangani aniqlangan. Mazkur holat bo‘yicha jinoyat ishi qo‘zg‘atilgan va hozirda tergov harakatlari olib borilmoqda.
Ichki ishlar organlari tomonidan giyohvand moddalarga qarshi kurashish doimiy nazoratda saqlanmoqda. Fuqarolardan qonun buzilishlarini oldini olishda faollik ko‘rsatishlari so‘raladi.
