Ijtimoiy tarmoqlarda Andijon shahrida to‘rt yoshli qiz bolaning transformator xona ichida elektr toki urishi haqida video tarqaldi. Bu haqida Upl.uz xabar berdi.
Ushbu holat bo‘yicha Andijon viloyati “Hududiy elektr tarmoqlari” aksiyadorlik jamiyati matbuot xizmati izoh berdi. Ma’lum qilinishicha, hodisa 13 iyul kuni Andijon tumani hududidagi bir ko‘p kvartirali uyning podval qismida sodir bo‘lgan.
35/0,4 kV kuchlanish va 1000 kVA quvvatga ega transformator stansiyasida qisqa tutashuv yuzaga kelgan. Surishtiruv natijalari shuni ko‘rsatdiki, qisqa tutashuv sababi hayvon bo‘lgan.
Qizning mushugi eshikdagi teshik orqali podvalga kirib, yuqori kuchlanishli transformator ichiga tushib qolgan. Bu esa elektr portlashiga olib kelgan.
Hodisa vaqtida qiz podval eshigi ortidan mushugini kuzatgan. Portlash paytida qizning yuz qismi kuyib, unga tez tibbiy yordam ko‘rsatilib, darhol kasalxonaga yotqizilgan.
Hozirda bolaning holati barqaror deb baholanmoqda. Bu voqea elektr xavfsizligiga alohida e’tibor berish zarurligini yana bir bor eslatadi.
Ota-onalar va bolalar uchun xavfsizlik qoidalariga rioya qilish muhimdir.
👍 0❤️ 0😂 0😢 0😡 0
