Jorjio Armani 92 yoshida vafot etdi
Italiyalik mashhur dizayner, tadbirkor va moda sohasining afsonaviy namoyondalaridan biri Jorjio Armani 92 yoshida vafot etdi. Bu haqida Zamin.uz xabar berdi.
Uning o‘limi nafaqat Italiyada, balki butun dunyoda moda ixlosmandlari va sanoat vakillari uchun katta yo‘qotish bo‘ldi. Jorjio Armani 1934 yilda Italiyaning Piachensa shahrida tug‘ilgan.
Uning bolalik va o‘smirlik yillari murakkab urush davriga to‘g‘ri kelgan bo‘lsa-da, u o‘zining iste’dodi va orzulari orqali katta yutuqlarga erishdi. Armani o‘zining boyligi bilan Italiyaning eng nufuzli shaxslaridan biriga aylangan bo‘lib, uning mol-mulki 12 milliard dollardan ortiq baholangan.
Moda sohasidagi faoliyatini Armani Milandagi univermagda oddiy oyna ustasi sifatida boshlagan. Mehnatsevarligi va intilishi tufayli u qisqa vaqt ichida dunyoga mashhur kompaniyalarda ishlash imkoniga ega bo‘ldi.
U Nino Cerruti kompaniyasida erkaklar kiyimlari ustida ishladi, keyinchalik esa Zegna va Loewe kabi brendlar uchun ham ishladi. 1975 yilda Jorjio Armani biznes sherigi Serjio Galeotti bilan birgalikda “Giorgio Armani” kompaniyasini tashkil etdi.
Bu brend jahondagi moda sanoatida yangi sahifa ochib, tez orada eng nufuzli brendlardan biriga aylandi. Armanining uslubi oddiy dizayn va qulaylikni targ‘ib qilgan bo‘lib, uning kiyimlari nafaqat moda ko‘rgazmalarida, balki Gollivud yulduzlari, siyosatchilar va sportchilar orasida ham mashhur bo‘ldi.
Jorjio Armani moda dunyosining haqiqiy qiroli sifatida tarixda qoladi.
