Italyan aktrisasi Klaudiya Kardinale vafot etdi

Italyan aktrisasi Klaudiya Kardinale 87 yoshida vafot etdi. Bu haqda Zamin.uz xabar berdi.

U 1938 yilda Tunis shahrida tug‘ilgan. Kardinale kino san’atiga 1958 yilda “Goha” filmidagi birinchi roli bilan kirib kelgan.

Ushbu filmda u mashhur aktyor Omar Sharif bilan birga suratga tushgan. Aktrisaning kino faoliyati davomida “Vosem s polovinoy”, “Leopard”, “Rokko i ego bratya”, “Rozovaya pantera”, “Kartush” va “Odnaжды na Dikom Zapade” kabi ko‘plab mashhur filmlardagi rollari kino ixlosmandlari tomonidan yuqori baholangan.

Klaudiya Kardinale uzoq yillik faoliyati davomida Berlinal va Venetsiya kinofestivalidan bir nechta mukofotlarga sazovor bo‘lgan. Uning ijodiy faoliyati ko‘plab kino muxlislari va tanqidchilar tomonidan yuksak e’tirofga sazovor bo‘ldi.

So‘nggi yillarda u 2014 yilda suratga olingan “Effi” filmida Dakota Fanning bilan birga ishlagan. Shu tariqa, Klaudiya Kardinale kino san’atiga qo‘shgan hissasi bilan doimo esda qoladi.

Uning vafoti kino olamida katta yo‘qotish sifatida qabul qilindi.