Feruza Normatova turmush o‘rtog‘i haqida gapirdi

Aktrisa Feruza Normatova so‘nggi kunlarda ijtimoiy tarmoqlarda uning turmush o‘rtog‘i haqida tarqalgan mish-mishlarga o‘zining jonli efirida izoh berdi. Bu haqda Zamin.uz xabar berdi.

U internetda tarqalgan ma’lumotlarning ko‘pchiligi haqiqatga zid ekanini ta’kidladi va barcha voqealardan xabardorligini bildirdi. Bir necha kun oldin Feruza Normatovaning 23 yoshli MMA jangchisi Olloyor Abdushukurov bilan unashtirilgani ma’lum bo‘lgandi.

Shu xabar ortidan Olloyorning ilgari turmush qurgani haqidagi mish-mishlar paydo bo‘ldi. Feruza bu masalaga munosabat bildirar ekan, barcha gap-so‘zlardan xabardorligini va ularga oydinlik kiritishga harakat qilayotganini aytdi.

Jonli efirda unga muxlislardan biri “Farzandi bo‘lsa ham sizga farqi yo‘qmi?” degan savol berdi. Feruza Normatova shunday javob qaytardi: “U ilgari ajrashgan.

Menga bu hech qanday farq qilmaydi. Men endi yosh qiz emasman, 18 yoshda emasman.

Agar yoshim kattaroq bo‘lsa, ko‘pchilik erkaklar uylangan bo‘ladi. Men hech kimning hayotini buzmoqchi emasman.

Bo‘lajak turmush o‘rtog‘imning oldingi munosabatlari haqida u menga ochiq gapirdi va men buni qabul qildim.” Aktrisa shuningdek, Olloyor Abdushukurov uni ota-onasi bilan tanishtirganini va ularning roziligini olganini ta’kidladi. Ularning munosabatlari ochiq va samimiy ekanligini aytdi.

“Men hech kimning hayotiga aralashmayman. Agar turmush o‘rtog‘imning farzandi bo‘lsa, men uni ham qabul qilaman.

Bola begunoh, men uni hech kimning bolasi deb hisoblamayman, u ham inson,” dedi Feruza. Feruza Normatova Olloyorning avvalgi munosabatlari haqida ham gapirdi.

Uning aytishicha, Olloyorning ilgari ikki munosabati nikoh asosida bo‘lmagan, faqat birga yashash shaklida bo‘lgan. Ikkala ayol ham yaxshi insonlar ekanini aytib, ularni hurmat qilishini bildirdi.

“Ular bilan ajralish mendan oldin sodir bo‘lgan. Men esa uning hayotida keyin paydo bo‘lganman,” deya qo‘shimcha qildi.

Aktrisa shuningdek, turmush qurish haqida qaror qabul qilishdan oldin barcha ma’lumotlarga ega bo‘lganini aytdi. “Ular mengacha ajrashgan edi.

Hozir esa u uylanmoqchi ekanini aytganida men rozi bo‘ldim. Hech kimning oilasini buzmaganman.

Agar u farzandlarini boqmoqchi bo‘lsa, men ham yordam beraman, chunki bola Allohning amonati,” dedi Feruza Normatova. U so‘zlarini shunday yakunladi: “Men fitnachi odamlar haqida gapirdim, ikki ayol haqida emas.

Ularga baxt tilayman. Hech kimni yomon ko‘rmayman.

Har kim baxtli bo‘lishga haqli. Hayotda eng muhimi — sof niyat va tinchlikdir.” Feruza Normatovaning bu bayonoti ijtimoiy tarmoqlarda turlicha munosabatlarga sabab bo‘ldi.

Uni qo‘llab-quvvatlaganlar ham, turli fikr bildirganlar ham bor edi. Ammo aktrisaning ochiq va sokin munosabati ko‘pchilik tomonidan hurmat bilan qabul qilindi.

U har qanday mish-mishga emas, faqat haqiqatga asoslanganini ko‘rsatdi.