Tarkovskiyning “Andrey Rublyov” ssenariysi auksionga qo‘yildi
Rus kinematografiyasining mashhur rejissyori Andrey Tarkovskiyning “Andrey Rublyov” filmiga oid ssenariy kimoshdi savdosiga qo‘yilmoqda. Bu haqda Zamin.uz xabar berdi.
Mazkur auksion 24 aprel kuni Litfond tomonidan tashkil etiladi, deb xabar berdi Moskva shahar axborot agentligi. Ssenariyning boshlang‘ich narxi 300 ming rubl etib belgilangan.
Ushbu nusxa rejissyorning shaxsiy qaydlari, chizmalari va film haqidagi izohlarini o‘z ichiga oladi, shuning uchun u noyob va qimmatli eksponat hisoblanadi. Auksionda shuningdek, film bilan bog‘liq boshqa artefaktlar ham taklif etiladi.
Ularga prodyuser va rassom Pavel Safonov arxividan olingan fotosuratlar, ijodiy eskizlar, Tarkovskiyning portretlari hamda suratga olish jarayonlari bo‘lib o‘tgan joylardan biri — Izborsk qal’asi tasvirlangan suratlar kiradi. “Andrey Rublyov” filmi XIV asrda yashagan iste’dodli ikonopis rassomning hayoti va ijodiy izlanishlariga bag‘ishlangan.
Filmda uning ruhiy qiyinchiliklari, imon va san’atga bo‘lgan intilishi chuqur tasvirlangan. Uch soatlik asar orqali Tarkovskiy inson ruhiyati, e’tiqod va so‘fiylik mavzularini keng qamrovda tahlil etadi.
Bu film rus kinematografiyasining eng muhim asarlaridan biri sifatida e’tirof etiladi.
