Rossiya prezidenti Vladimir Putin O‘zbekiston Badiiy akademiyasi a’zosi Elmira Ahmedovani Pushkin medali bilan taqdirladi. Bu haqda Zamin.uz xabar berdi.
Bu haqda TASS axborot agentligi xabar berdi. Mukofotlash marosimi 4-noyabr kuni Moskva shahridagi Kreml saroyida o‘tkazildi.
Ushbu tadbirda nafaqat Rossiyada, balki boshqa davlatlarda ham madaniyat va san’at sohasida faoliyat yuritayotgan shaxslar mukofotlandi. Taqdirlanganlar orasida Italiya, Vetnam, Germaniya, Yaponiya, Birlashgan Arab Amirliklari va MDH davlatlarining vakillari ham bor edi.
Pushkin medali Rossiyada 1999-yil 9-may kuni ta’sis etilgan. Ushbu mukofot madaniyat va san’at rivojiga qo‘shilgan hissasi, shuningdek, xorijiy fuqarolar tomonidan Rossiya bilan madaniy aloqalarni mustahkamlash va rus madaniyatini qo‘llab-quvvatlashdagi xizmatlari uchun beriladi.
Elmira Ahmedova bu mukofotga o‘zining ijodiy yutuqlari va madaniyat sohasidagi faoliyati tufayli munosib topilgan.
