Taniqli boshlovchi Yuriy Nikolaev 77 yoshida vafot etdi
Sovet va Rossiya televideniyesining taniqli boshlovchisi Yuriy Nikolaev 77 yoshida vafot etdi. Bu haqda Zamin.uz xabar berdi.
Bu haqda Rus balet akademiyasi rektori Nikolay Tsiskaridze o‘zining Telegram kanalida ma’lum qildi. Turli axborot manbalariga ko‘ra, 4-noyabr kuni ertalab Yuriy Nikolaevning sog‘lig‘i keskin yomonlashgan.
Shundan so‘ng u shifoxonaga yetkazilgan, ammo shifokorlar uning hayotini saqlab qola olishmagan. Ma’lum bo‘lishicha, u uzoq vaqt davomida og‘ir o‘pka kasalligidan aziyat chekib kelgan.
Yuriy Nikolaev sovet televideniyesining eng mashhur shaxslaridan biri hisoblanadi. U "Ertalabki pochta", "Ertalabki yulduz" va "Respublika merosi" kabi ko‘plab ommabop ko‘rsatuvlarni olib borgan.
Rossiyaning xalq artisti unvoniga ega bo‘lgan Nikolaev televideniyeda 50 yildan ortiq faoliyat yuritib, butun bir davrning ramziga aylangan. Uning ijodi va mehnati ko‘pchilik tomonidan yuksak qadrlangan.
