Feruza Normatova turmush qurishi haqida so‘zladi

Aktrisa Feruza Normatova 15-oktabr kuni Xorazmdan bo‘lgan 23 yoshli MMA jangchisi Olloyor Abdushukurov bilan turmush qurdi. Bu haqda Zamin.uz xabar berdi.

U Instagram’dagi obunachilarining savollariga javob berar ekan, hayotida duch kelgan qiyinchiliklar, turmush o‘rtog‘i bilan tanishuvi va mahr masalalari haqida ochiq gapirdi. “Hayotingizdagi inson aynan sizniki ekanini qanday tushundingiz?” degan savolga aktrisa quyidagicha javob berdi: “Haj safaridan qaytgach, hayotimda birin-ketin qiyinchiliklar yuz berdi.

Shunday og‘ir holatlar boshimdan o‘tdiki, yashashga bo‘lgan umidim ham so‘na boshladi. Allohdan faqat o‘lim yoki hayotimni o‘zgartiruvchi bir insonni yuborishini so‘radim,” — deydi u.

Feruzaning so‘zlariga ko‘ra, ikki oy ichida uning hayoti butunlay o‘zgargan. U kelajakdagi turmush o‘rtog‘i bilan tanishganini eslar ekan, shunday deydi: “Bu inson men uchunmi yoki yo‘qmi, deb ko‘p bora istihora va hojat namozlarini o‘qidim.

Har safar unga bo‘lgan muhabbatim ortib bordi. Hammasi juda tez sodir bo‘ldi.

Ishonchim komilki, uni Alloh menga yuborgan. Inson adashishi mumkin, lekin Alloh hech qachon adashmaydi,” — deb yozadi aktrisa o‘z sahifasida.

Feruza Normatovaning ushbu so‘zlari uning hayotidagi muhim o‘zgarishlar va turmush qurish qarorining qanday shakllanganini ochib beradi.