Luiza Rasulovaning yangi obrazi muhokamalarga sabab bo‘ldi
O‘zbek kino yulduzi Luiza Rasulova yana jamoatchilik e’tiborini o‘ziga qaratdi. Bu haqda Zamin.uz xabar berdi.
Aktrisaning yangi uslubdagi obrazi ijtimoiy tarmoqlarda keng muhokamalarga sabab bo‘ldi. Ma’lum bo‘lishicha, Rasulova to‘y tadbirida to‘r shaklidagi libosda sahnaga chiqqan va poshnali oyoq kiyim kiygan.
Ushbu obraz ijtimoiy tarmoq foydalanuvchilari orasida turlicha fikr-mulohazalarga sabab bo‘ldi. Ba’zi foydalanuvchilar aktrisaning libosini bahsli deb topgan bo‘lsa, boshqalar uning yangi ko‘rinishini maqtashdi.
Ayniqsa, muxlislari Rasulovaning qomatini va uslubini yuqori baholab, uni zamonaviy va jozibador deb atashdi. Shuni ta’kidlash kerakki, Luiza Rasulova o‘zbek shou-biznesining eng mashhur aktrisalaridan biri hisoblanadi.
U filmlardagi muvaffaqiyatli faoliyati bilan birga, to‘y va turli tadbirlarda boshlovchilik ham qiladi. Aktrisaning ijodi va shaxsiy uslubi har doim omma e’tiborida bo‘lib kelgan.
