Munisa Rizayevadan “Mish-mish” qo‘shig‘i: muxlislar hayratda
Xonanda Munisa Rizayeva o‘z muxlislarini yangi qo‘shig‘i bilan xursand qildi. Bu haqda Zamin.uz xabar berdi.
Uning “Mish-mish” nomli qo‘shig‘i taqdim etilib, qisqa vaqt ichida ijtimoiy tarmoqlarda katta e’tiborni tortdi va muhokamalarga sabab bo‘ldi. Mazkur qo‘shiqning premyerasi xonandaning rasmiy sahifalarida e’lon qilindi.
Munisa Rizayeva ushbu post ostida qisqa, ammo ma’noli izoh qoldirdi: “Mish-mishlarni qachongacha eshitish mumkin? Haqiqatni ko‘rsatish vaqti keldi.” Xonandaning ushbu bayonoti muxlislar orasida turli fikrlarni yuzaga keltirdi.
Ayrimlar bu so‘zlarni uning shaxsiy hayoti bilan bog‘lashdi, boshqalar esa buni faqat qo‘shiq mazmuni va g‘oyasi bilan izohlashdi. Qanday bo‘lmasin, “Mish-mish” qo‘shig‘i tinglovchilarda katta qiziqish uyg‘otib, internetda keng muhokama qilinmoqda.
