Tatyana Kim mulk taqsimoti bo‘yicha kelishuvga erishdi
Wildberries kompaniyasining asoschisi va RWB bosh direktori Tatyana Kim o‘zining sobiq turmush o‘rtog‘i Vladislav Bakalchuk bilan mulkni taqsimlash masalasida kelishuvga erishganini ma’lum qildi. Bu haqda Zamin.uz xabar berdi.
Bu haqda u o‘zining Telegram kanalida xabar berdi. “Bugun ajralishdan keyingi mulkni bo‘lish jarayoni nihoyat yakunlandi.
Sobiq turmush o‘rtog‘im bilan har ikki tomon uchun maqbul bo‘lgan shartlar asosida kelishuvga erishdik. Bu natijadan mamnunman.
Ushbu kelishuv yetuklik va o‘zaro hurmat belgisi,” – deya yozgan Tatyana Kim. Ma’lum bo‘lishicha, 2022 yilning iyul oyida Tatyana Kim Wildberries va tashqi reklama operatori Russ kompaniyalari birlashuvi jarayonida sobiq turmush o‘rtog‘i bilan ajrashganini e’lon qilgan edi.
O‘sha vaqtda u o‘zini turli bahsli holatlar markazida topgan. Sentyabr oyida Tatyana familiyasini Kimga o‘zgartirgan.
Keyinchalik, oktyabr oyida u sobiq turmush o‘rtog‘ining zo‘ravonlik harakatlari haqida ochiq gapirgan. Uning aytishicha, sobiq er biznesni o‘z nomiga qayta rasmiylashtirishga uringan.
Shu bilan birga, tomonlar o‘rtasidagi nizolar endi yakunlanganini Tatyana o‘z bayonotida ta’kidlagan.
