Dilnoz Hakimova mahrga uy so‘raganini aytdi
Mashhur xonanda Dilnoz Hakimova yaqinda turmushga chiqdi va ijtimoiy tarmoqlarda uning mahr masalasidagi javobi keng muhokama qilindi. Bu haqda Zamin.uz xabar berdi.
Obunachilardan biri unga: “Mahrga nima so‘radingiz?” — deb savol berganida, xonanda samimiy javob berdi. Uning so‘zlariga ko‘ra, mahr sifatida uy so‘ragan.
Bu qarorni Shayx Rahmatulloh Termiziy domlaning “Mahr va nikoh” mavzusidagi suhbatlaridan ilhomlanib qabul qilganini aytdi. Xonandaning ta’kidlashicha, domla o‘qimishli va ziyoli qizlarning mahri qimmat bo‘lishi tabiiy ekanini aytgan.
Shuningdek, u mahr masalasida yana ko‘proq so‘rashi ham mumkin bo‘lganini bildirgan. Dilnoz Hakimova bu qarorni qabul qilarkan, mahrga o‘zi muhtoj bo‘lmasligini, balki kelajakda farzandlarining to‘ylariga xizmat qilishini niyat qilganini ta’kidladi.
U, shuningdek, Allohdan turmush o‘rtog‘ini yanada ko‘proq siylashini so‘ragan. Xonandaning bu javobi ijtimoiy tarmoqlarda keng muhokamalarga sabab bo‘ldi va muxlislar orasida katta qiziqish uyg‘otdi.
