Figurali uchish bo‘yicha mashhur sportchi Evgeniya Medvedeva raqqos Ildar Gaynutdinovga turmushga chiqishga qaror qildi. Bu haqda Zamin.uz xabar berdi.
Ushbu xushxabarni Evgeniya ijtimoiy tarmoqlarda e’lon qildi. Sportchi o‘zining sahifasida romantik lahzalarni aks ettiruvchi ta’sirli videoni joylashtirdi.
Ma’lum bo‘lishicha, juftlik munosabatlarini joriy yilning iyul oyida rasmiy tasdiqlagan edi. Oradan besh oy o‘tib, ular turmush qurish niyatlarini ma’lum qilishdi.
Evgeniya Medvedeva va Ildar Gaynutdinov avvalroq "Yulduzli raqslar" shousida juftlik sifatida ishtirok etgan. Ushbu shou davomida ularning raqslari tomoshabinlar va muxlislar orasida katta qiziqish uyg‘otgan edi.
Iyul oyida ular birgalikda ta’til davomida tushgan suratlarini ham ijtimoiy tarmoqlarda baham ko‘rishgan. Ayni paytda esa Evgeniya munosabatlarining boshqa tafsilotlarini oshkor qilmaslikni ma’qul ko‘rmoqda.
Turmush qurish qarori muxlislar tomonidan iliq qarshi olinib, ularga baxt tilanmoqda.
