Janubiy Koreya sudi aktyor O Yen Suni oqladi
Janubiy Koreyada apellyatsiya sudi "Kalmar o‘yini" serialida ishtirok etgan 81 yoshli aktyor O Yen Su bo‘yicha jinsiy zo‘ravonlik ishi yuzasidan uni to‘liq oqladi. Bu haqda Zamin.uz xabar berdi.
Bu haqida ommaviy axborot vositalari xabar berdi. Sud jarayonida aktyorning odobsiz xatti-harakatlarda gumon qilinishiga qaramay, apellyatsiya sudi jabrlanuvchining voqea haqida bergan ma’lumotlari yillar davomida o‘zgarib ketgani mumkinligini qayd etdi.
Shu sababli, barcha shubhalar ayblanuvchi foydasiga talqin qilindi va u oqlandi. Ma’lum qilinishicha, ushbu voqea 2017 yilda sodir bo‘lgan.
Ayblovga ko‘ra, aktyor ayolning roziligisiz uni quchoqlab, yuzidan o‘pgan. Lekin bu voqea 2021 yilda, "Kalmar o‘yini" seriali butun dunyoda mashhur bo‘lib ketganidan keyin ommaga oshkor qilingan.
Birinchi instansiya sudi aktyorni aybdor deb topib, sakkiz oy muddatga shartli qamoq jazosi tayinlagan edi. Shuningdek, sud unga ikki yillik sinov muddati belgiladi.
Biroq prokuratura bu qarordan norozi bo‘lib, unga bir yil qamoq jazosi talab qilgan. Ammo oxir-oqibat apellyatsiya sudi aktyorni oqlashga qaror qildi.
