Shahzod Sultonov onasiga yangi avtomobil sovg‘a qildi
Aktyor Shahzod Sultonov 15-noyabr kuni onasining tug‘ilgan kunini unutilmas bayramga aylantirdi. Bu haqda Zamin.uz xabar berdi.
Shu munosabat bilan u onasini nafis va rang-barang gullar bilan kutib oldi. Bayramning eng yorqin lahzasi esa o‘g‘il tomonidan qilingan kutilmagan sovg‘alar bo‘ldi.
Shahzod onasiga yangi avtomobil va zamonaviy telefon sovg‘a qilib, uning yuziga cheksiz tabassum ulashdi. Onasi o‘g‘lining bu mehrini katta minnatdorlik va samimiyat bilan qabul qildi.
Uning ko‘zlaridagi shukrona yoshlari o‘g‘li tomonidan berilgan sovg‘alardan ham qimmatroq bo‘ldi. Bu holat ona va farzand o‘rtasidagi mehr-muhabbatning naqadar samimiy va chuqur ekanini yana bir bor tasdiqladi.
Shahzod Sultonov ushbu kun orqali ona mehri va oila qadri inson hayotidagi eng katta boylik ekanini namoyon etdi. Bu voqea, albatta, har bir inson uchun ibrat bo‘la oladi.
