Jumadulla Rametov 70 yoshda: yubiley va yangi xursandchilik

Mashhur aktrisa Saida Rametova yaqinda turmush o‘rtog‘i, taniqli aktyor Jumadulla Rametovning 70 yoshga to‘lgani munosabati bilan uning yubileyini keng nishonladi. Bu haqda Zamin.uz xabar berdi.

Ushbu quvonchli tadbir haqida ijtimoiy tarmoqlarda videolar ham e’lon qilindi. Tadbir davomida Jumadulla Rametov Madaniyat vazirligi tomonidan “Madaniyat va san’at fidokori” ko‘krak nishoni bilan taqdirlandi.

Bundan tashqari, ular o‘z oilasida yana bir katta xursandchilik bo‘layotganini e’lon qildilar: bosh nevaralari Sarvaraoyning to‘yi yaqinlashayotganini va kuyov Azizbek ekanini ma’lum qilishdi. Saida Rametova ushbu kuni o‘zini juda baxtli his qilganini ta’kidladi.

U yoshlar baxtli hayot kechirishini, yaxshi farzandlar ko‘rishini tilab, kelajakda beshik to‘y va aqiqa to‘ylariga ham yetkazishini, Olloh nasib qilsa, nabiralarining to‘ylarini o‘tkazish imkoniga ega bo‘lishini istab qoldi. Aktrisa shuningdek, Jumadulla Rametov bilan 45 yildan buyon birga hayot kechirayotganini va bu davr mobaynida birgalikda san’at sohasida faoliyat olib borganini aytib o‘tdi.

U o‘zini hayotda ham, san’atda ham baxtli ayol sifatida his qilishini alohida ta’kidladi.