Hind kino afsonasi Dharmendra 89 yoshida vafot etdi
Hindistonning taniqli aktyori Dharmendra, to‘liq ismi Dharmendra Keval Krishan Deol, 89 yoshida vafot etdi. Bu haqda Zamin.uz xabar berdi.
Bu haqda Variety nashri xabar berdi. Sobiq ittifoq hududidagi ko‘plab tomoshabinlar uni ayniqsa mashhur "Zita va Gita" filmi orqali yaxshi tanishadi.
Dharmendra o‘z faoliyati davomida 250 dan ortiq filmlarda ishtirok etgan. Uning eng mashhur filmlari orasida "Mening Vatanim", "Gul va Tosh", "Ali-Bobo va Qirq Qaroqchi" kabi asarlar bor.
Ayniqsa, "Ali-Bobo va Qirq Qaroqchi" filmi O‘zbekiston va Tojikistonda suratga olingan bo‘lib, Dharmendra unda bosh rolni ijro etgan edi. Dharmendra 1935-yil 8-dekabrda Hindistonning Nasrali shahrida tug‘ilgan.
U 1960-yillarda "Dil Bhi Tera Hum Bhi Tere" filmi orqali kinematografiya sohasiga kirib kelgan. Faoliyati davomida u nafaqat aktyor sifatida, balki siyosatchi sifatida ham tanilgan.
2004-yildan 2009-yilgacha Hindiston Xalq Partiyasidan parlament deputati sifatida faoliyat yuritgan. Hindiston Bosh vaziri Narendra Modi uning vafotini hind kinosidagi butun bir davrning yakuni sifatida baholab, Dharmendraning kino olamidagi o‘rni haqida iliq fikrlar bildirdi.
U Dharmendraning ijodini afsonaviy deb atab, uning har bir roli o‘ziga xos joziba va mazmun bilan boyitilganini ta’kidladi. Dharmendraning vafoti hind kinosi uchun katta yo‘qotish bo‘ldi.
