Paralimpiya chempioni Asila Mirzayorova yaqinda onalik baxtiga muyassar bo‘ldi. Bu haqda Zamin.uz xabar berdi.
U 22-noyabr kuni ilk bor qiz farzandini dunyoga keltirdi. Biroq chaqaloqning ismi darhol oshkor qilinmadi.
Oradan bir necha kun o‘tib, Asila qiziga “Rihana” deb ism qo‘yganini ma’lum qildi. U bu xushxabarni o‘zining ijtimoiy tarmoqdagi sahifasi orqali muxlislari bilan bo‘lishdi.
Sportchining bu qarori ko‘plab izoh va tabriklarga sabab bo‘ldi. Shuningdek, Asilani tug‘ruqxonadan kutib olish uchun taniqli san’atkorlar Oybek va Nigora tashrif buyurishdi.
Ular sportchini samimiy tabriklar, iliq so‘zlar va ezgu tilaklar bilan qarshi olishdi. Bu voqea nafaqat Asila uchun, balki uning yaqinlari va muxlislari uchun ham quvonchli kunlardan biri bo‘ldi.
