«Tig‘iz vaqt 4» filmi ustida ish boshlandi
Paramount studiyasi Jeki Chan va Kris Taker ishtirokidagi mashhur «Tig‘iz vaqt» filmlar turkumi ustida ishlashni qayta boshladi. Bu haqda Zamin.uz xabar berdi.
Ma’lum qilinishicha, «Tig‘iz vaqt 4» filmi Paramount tomonidan ishlab chiqariladi. Bu loyiha avval Warner Bros.
tomonidan rejalashtirilgan, biroq rejissyor Brett Ratner bilan bog‘liq muammolar sabab, 18 yil davomida amalga oshirilmay qolgan edi. Endi esa Jeki Chan va Kris Taker yana inspektor Li va detektiv Karter obrazlarini jonlantirishadi.
Qiziqarli jihati shundaki, loyiha qayta tiklanishida AQShning sobiq prezidenti Donald Trampning aloqasi bor. Semafor nashrining xabariga ko‘ra, Tramp Paramount rahbari Devid Ellisonga bosim o‘tkazib, 80-90-yillardagi mashhur jangari va komediya filmlarini qayta tiklashni taklif qilgan.
Filmni suratga olish ishlari kelgusi yilda boshlanishi kutilmoqda, ammo aniq chiqish sanasi hali e’lon qilinmagan. Avvalgi trilogiya dunyo miqyosida 850 million dollar daromad keltirgan edi.
Jeki Chan esa 71 yoshga kirganiga qaramay, xavfli tryuklardan voz kechmasligini aytmoqda. Bu esa yangi filmni yanada qiziqarli qilishiga umid bildirilmoqda.
