Ayvazovskiyning kartinasi auksionda rekord narxga sotildi

Ivan Ayvazovskiyning 1887 yilda chizilgan "Tirik qolganlar" nomli kartinasi Sotheby's auksionida 4,188 million funt sterlingga sotildi. Bu haqda Zamin.uz xabar berdi.

Bu narx rassomning asarlari uchun yangi jahon auksion rekordi bo‘ldi. Bu haqda Artprice portali xabar berdi.

Ma’lum qilinishicha, "Tirik qolganlar" kartinasining mavzusi Ayvazovskiyning 1850 yilda chizilgan mashhur "To‘qqizinchi to‘lqin" asariga yaqin. O‘sha paytda bu rasm imperator Nikolay I tomonidan imperator kolleksiyasi uchun sotib olingan edi.

Har ikki asarda ham dengizdagi bo‘ron oqibatlari tasvirlangan. Ayvazovskiy 1870-yillarga kelib "Tirik qolganlar" kartinasini chizishni boshlagan.

Shu davrga kelib rassom dengiz manzaralarini tasvirlash texnikasini mukammal o‘zlashtirgan edi. Bu yillarda u "Bo‘ronli dengizlar" va "Kamalak" kabi boshqa mashhur asarlarini ham yaratgan.

Ammo "Tirik qolganlar" kartinasi nafaqat mazmuni, balki o‘lchami jihatidan ham rassomning eng yirik asarlaridan biri hisoblanadi. 2004 yil aprel oyida Nyu-Yorkdagi Sotheby's auksionida ushbu asar Ayvazovskiyning eng katta tuvali sifatida tan olingan edi.

Bu kartina rassom ijodining eng yorqin namunasidir va uning san’at olamidagi ahamiyatini yana bir bor tasdiqlaydi.