“Avatar 3” ilk daromadi 110 million dollar bo‘lishi kutilmoqda
2025 yil 27-noyabr kuni Deadline nashri Jeyms Kemeronning “Avatar: Olov va Kuli” nomli uchinchi filmi bo‘yicha dastlabki kassa daromadi prognozlarini e’lon qildi. Bu haqda Zamin.uz xabar berdi.
Mutaxassislarning hisob-kitoblariga ko‘ra, Shimoliy Amerika bozorida filmning ilk hafta oxiridagi daromadi taxminan 110 million AQSh dollarini tashkil qilishi mumkin. Prognozlarga ko‘ra, daromad diapazoni 100 milliondan 130 million dollargacha bo‘lishi kutilmoqda.
Bu ko‘rsatkich 2022 yilda prokatga chiqqan “Avatar: Suv yo‘li” filmining birinchi haftadagi 134 million dollarlik daromadidan biroz pastroqdir. Biroq mutaxassislar bu natijalarni ijobiy baholamoqda.
Chunki “Avatar” franshizasi odatda uzoq muddatli daromad olish strategiyasiga asoslangan bo‘lib, daromad bir zumda emas, balki asta-sekin oshib boradi. “Avatar: Olov va Kuli” filmi 2025 yil 19-dekabrda katta ekranlarga chiqishi rejalashtirilgan.
