“Zveropolis 2” startida 556 mln dollar ishlab topdi
“Zveropolis 2” animatsion filmi kengaytirilgan dam olish kunlarida jahon bozorida 556 million dollar daromad ko‘rib, bu sohada eng yuqori natijalardan birini qayd etdi. Bu haqda Zamin.uz xabar berdi.
Ushbu ma’lumotni DTF portali e’lon qildi. Film Shukronalik kuni munosabati bilan o‘tgan dam olish kunlarida AQSh bozorida 156 million dollar daromad oldi.
AQShdan tashqarida esa film yana 400 million dollar ishlab topdi, shundan 272 million dollari Xitoy bozoriga to‘g‘ri keldi. Birinchi dam olish kunlaridagi umumiy jahon daromadi 556 million dollarga yetib, bu natija uni kino tarixidagi to‘rtinchi eng muvaffaqiyatli start va animatsion filmlar orasida mutlaq rekordchi qildi.
Filmning bunday muvaffaqiyati birinchi qismining ommaviyligi, bayram kunlaridagi qulay vaqt va tomoshabinlarning yuqori baholari bilan izohlanmoqda. Masalan, Rotten Tomatoes platformasida film 95% reytingga ega bo‘ldi, CinemaScore esa unga “A” bahosini berdi.
Tahlilchilarning fikricha, “Zveropolis 2” Disneyning navbatdagi milliard dollarlik loyihasiga aylanishi mumkin. Shu bilan birga, “Yovuz.
2-qism” musiqiy filmi ham dam olish kunlarida 93 million dollar daromad oldi va umumiy daromadini 393 million dollarga yetkazdi.
