O‘zbekiston sportining faxri, xalqaro musobaqalarda yurtimiz nomini munosib tarzda himoya qilayotgan paralimpiyachi Asila Mirzayorova haqida qiziqarli ma’lumotlarni taqdim etamiz. Bu haqda Zamin.uz xabar berdi.
1. Asila Mirzayorova 1999 yil 3 iyul kuni Qashqadaryo viloyati, Qarshi shahrida tavallud topgan.
U oilada besh nafar farzandning to‘rtinchisi bo‘lib, bolaligidanoq sportga qiziqishi bilan ajralib turgan. Faol va quvnoq qizaloq sifatida tanilgan Asila yoshlikdan sportga mehr qo‘ygan.
2. Yoshligida yuz bergan baxtsiz hodisa tufayli Asila ko‘rish qobiliyatini yo‘qotgan.
Ammo bu holat uni ruhdan tushirmadi. U o‘zini sportga bag‘ishlab, yangi maqsad sari dadil qadam tashladi.
3. Asila paralimpiya sportiga atigi 8 yil avval kirib kelgan bo‘lsa-da, qisqa vaqt ichida ulkan yutuqlarga erishdi.
2024 yil Parij paralimpiadasida uzunlikka sakrash bo‘yicha 5,22 metr natija bilan 28 yillik rekordni yangiladi. U dunyo rekordchisi sifatida oltin medalni qo‘lga kiritdi va bu yutuq nafaqat uning, balki butun O‘zbekistonning faxriga aylandi.
4. Yaqinda Asila ukasining to‘yi munosabati bilan unga yangi uy sovg‘a qildi.
Ushbu sovg‘a sportchining ukasiga bo‘lgan minnatdorligi va uning doimiy qo‘llab-quvvatlashi uchun ramziy ifoda bo‘ldi. 5.
2024 yil 22 noyabr kuni Asila Mirzayorova qiz farzandli bo‘ldi. U qiziga "Rihana" deb ism qo‘ydi.
Bu xushxabar muxlislar orasida keng tarqalib, ko‘plab tabriklarga sabab bo‘ldi. Asila Mirzayorovaning hayot yo‘li va yutuqlari nafaqat sportchilar uchun, balki barcha yoshlar uchun ham ilhom manbai bo‘lib xizmat qilmoqda.
