Aktrisa Aysanem Yusupova haqida 12 ta qiziqarli fakt: 1. Bu haqda Zamin.uz xabar berdi.
Aysanem Yusupova 1997 yil 2 yanvarda Qoraqalpog‘iston Respublikasi, Nukus shahrida tug‘ilgan. U 2012 yilda maktabni tamomlagan va Nukus Davlat Yuridik kollejida ta'lim olgan.
2020 yilda O‘zbekiston davlat san’at va madaniyat institutining “Teatr va kino aktyorligi” yo‘nalishida bakalavr darajasini, 2022 yilda esa magistraturani tamomlagan. 2.
Dastlabki ijodiy faoliyatini xonandalik bilan boshlagan. Aktrisa sifatida ilk bor 2017 yilda “Maftuningman 2” filmida Qizlargul obrazini ijro etgan.
2019 yilda esa Hilol Nasimov rejissyorligidagi “Meros” filmida Oygul roli orqali keng tanilgan. 3.
U xonandalik faoliyatini 8-9-sinfda o‘qiyotgan vaqtlarida boshlagan. “Vatan”, “Ona” va “Yoshlik” mavzularida qo‘shiqlar kuylab, ularga kliplar suratga tushirgan.
4. “O‘zbek qizi” filmidagi bosh roli Aysanem Yusupovaga xalqaro e’tirof keltirgan.
Ushbu roli uchun u Rossiyada IV Xalqaro “Lendok” kinofestivalida va Tojikistonda “Toji Somon” II Xalqaro kinofestivalida “Eng yaxshi ayol roli” nominatsiyasida g‘olib chiqqan. 5.
Aktrisaning sevimli futbolchisi Krishtianu Ronaldu. 6.
2023 yilda u “Singlim” serialida ilk bor salbiy rolni ijro etgan. 7.
Aysanem Yusupova o‘zidan katta ustozlar davrasida bo‘lishni yaxshi ko‘radi. U Ra’no Zokirova, Muyassar Berdiqulova, Shohida Uzoqova va Dilnoza Kubayevalardan ijodiy saboq olishni afzal ko‘radi.
8. U eng qulay va samarali ishlaydigan hamkasblari sifatida Shohruh Hamdamov va Fotih Nasimovni tilga oladi.
9. 2023 yilda Aysanem Yusupova “Markaziy Osiyoning eng yaxshi aktrisalari” ro‘yxatiga kiritilgan.
10. Uni kino olamiga olib kirgan inson rejissyor Hilol Nasimov bo‘lgan.
11. Aktrisa suratga olish jarayonlarida ko‘p marta jarohatlar olgan.
Masalan, “O‘zbek qizi” filmida qo‘lining tirsak qismini shisha siniqlari kesgan. “Meros” filmida esa otdan yiqilgan, biroq tezda o‘zini tiklab, suratga olishni davom ettirgan.
12. Aysanem Yusupova 2024 yilda “Kelajak bunyodkori” medali bilan taqdirlangan.
