Feruza Normatova “Million”dagi rolidan afsusda ekanini aytdi
Aktrisa Feruza Normatova o‘zining ijodiy faoliyati davomida qaysi obrazidan afsuslanganini ochiq aytdi. Bu haqda Zamin.uz xabar berdi.
U muxlislar tomonidan berilgan “Shu paytgacha qaysi o‘ynagan rolingizdan afsuslangansiz?” degan savolga javob berib, “Million” konsert dasturidagi sud zalidagi obrazini misol keltirdi. Feruza Normatova ushbu rolni o‘ynaganidan keyin o‘zini noqulay his qilganini va bu obraz uning eng kam yoqqan rollaridan biri ekanini ta’kidladi.
Xususan, u Xorazm yoki Nukusda o‘tkazilgan konsertlarning birida ushbu rolni ijro etganidan so‘ng, “Ollohga shukur, bu rolimdan qutuldim”, deb o‘zicha yengil tortganini aytib o‘tdi. Shu bilan birga, aktrisa bu obraz unga yoqmagan bo‘lsa-da, uni o‘ziga bir saboq va foydali tajriba sifatida qabul qilganini ham e’tirof etdi.
Normatova ijodiy faoliyatida har bir rolning o‘z o‘rni borligini va har qanday tajriba aktyor uchun muhim ekanligini qo‘shimcha qildi.
