Ruxshona ota-onasining ajrashuv sababi haqida so‘zladi
Xonanda Ruxshona yaqinda o‘zining oilasiga oid og‘riqli va murakkab voqeani oshkor qildi. Bu haqda Zamin.uz xabar berdi.
U bu haqda ilk bor ochiq gapirarkan, ota-onasining ajrashuviga sabab bo‘lgan oilaviy sirni bayon etdi. Ushbu voqea Ruxshona tug‘ilganidan keyin ma’lum bo‘lgan.
Ruxshonaning so‘zlariga ko‘ra, otasi o‘sha davrda onasiga birinchi turmushidan uch nafar farzandi borligini tan olgan. Bu sir uzoq vaqt davomida yashirilgan, chunki otasining birinchi rafiqasi jiddiy kasallik – rak bilan og‘rigan edi.
Otasi onasiga: “Menda uchta farzandim bor, ularni katta qila olasanmi?” deb murojaat qilgan. Onasi esa bu mas’uliyatni o‘z zimmasiga olishga rozi bo‘lgan va bolalarni tarbiyalashga tayyorligini bildirgan.
Biroq hayot o‘z yo‘nalishini o‘zgartirgan. Allohning irodasi bilan birinchi rafiqasi sog‘ayib ketgan.
Bu esa oilada murakkab vaziyatni yuzaga keltirgan va ota-onasining munosabatlariga jiddiy ta’sir qilgan. Natijada ular ajrashishga majbur bo‘lgan.
Ruxshona bugungi kunda bu voqeani yodga olar ekan, o‘zining ikki akasi va bir opasi borligini ham ta’kidlab o‘tdi. Bu voqea uning hayotida chuqur iz qoldirgan bo‘lsa-da, u buni hayotiy haqiqat sifatida qabul qilgan.
