Lola Ahmedova: "Sog‘intirib" to‘ylarsiz o‘tmaydi

Xonanda Lola Ahmedova jurnalistlar tomonidan berilgan savolga samimiy javob berdi. Bu haqda Zamin.uz xabar berdi.

Undan: "Bugungi kunda ko‘plab qo‘shiqlaringiz xit darajasiga yetgan. Shu qo‘shiqlaringiz ichida sizni eng mashhur qilgan va tinglovchilar yodida qolgan tarona qaysi?" deb so‘rashganida, u uzoq o‘ylamasdan "Sog‘intirib" qo‘shig‘ini tilga oldi.

Lola Ahmedovaning aytishicha, mazkur tarona nafaqat muxlislar orasida mashhur, balki to‘y va bayram tadbirlarida ham eng ko‘p so‘raladigan qo‘shiqlardan biriga aylangan. Xonanda bu haqda shunday deydi: "Agar bir qo‘shiqni alohida ajratib aytadigan bo‘lsam, bu albatta ‘Sog‘intirib’ bo‘ladi.

To‘ylarda ham aynan shu qo‘shig‘imni so‘rashadi. Hatto aytish mumkinki, bu qo‘shig‘imsiz to‘y o‘tmaydi." Ushbu izoh Lola Ahmedovaning “Sog‘intirib” qo‘shig‘i nega hanuzgacha ommalashib kelayotgani va xalq orasida o‘z o‘rnini mustahkam egallaganini yana bir bor tasdiqlaydi.

Qo‘shiqning bunday muvaffaqiyati san’atkorning ijodidagi muhim yutuqlardan biri sifatida e’tirof etiladi.