Turkiyada giyohvand moddalar bilan bog‘liq ish bo‘yicha bir qancha taniqli shaxslarga qarshi tergov ishlari olib borilmoqda. Bu haqda Zamin.uz xabar berdi.
Bu haqda "Haber Global" nashri xabar berdi. Huquq-tartibot idoralari tomonidan o‘tkazilgan maxsus operatsiya davomida ayrim mashhur shaxslarning yashash manzillari tekshirilgan.
Ammo aktrisa Melisa Dyongel, qo‘shiqchilar Yusuf Gyuney va Jixan Shensozlyu uylarida topilmagan. Shuningdek, tergov organlari ma’lumotiga ko‘ra, ayrim shaxslar Turkiya hududida emasligi mumkin.
Xususan, Sheyma Subashi, Shevval Shaxin va Mert Vidinli xorijda bo‘lishi taxmin qilinmoqda. Ular rasman qidiruvga berilgan.
Hozircha gumonlanuvchilarning aniq ayblari tasdiqlangani haqida rasmiy ma’lumot berilmagan. Tergov ishlari davom etmoqda, qo‘shimcha ma’lumotlar keyinchalik e’lon qilinishi kutilmoqda.
Turkiya qonunchiligiga ko‘ra, giyohvand moddalar bilan bog‘liq jinoyatlar og‘ir huquqiy javobgarlikni talab qiladi. Shu sababli mazkur ish jamoatchilik e’tiborida qolmoqda.
Tergov jarayonining natijalari keyingi kunlarda keng muhokama qilinishi kutilmoqda.
