Taniqli xonanda Xamdam Sobirov o‘zining qasr uslubidagi uyini sotuvga qo‘yganini e’lon qildi. Bu haqda Zamin.uz xabar berdi.
Bu haqda u o‘zining ijtimoiy tarmoqlardagi sahifasi orqali muxlislariga videomurojaat yo‘lladi. Xonandaning so‘zlariga ko‘ra, mazkur uyni u bir yarim yil avval katta niyatlar bilan xarid qilgan.
Ammo hozirgi hayotiy sharoit va oilaviy ehtiyojlar sababli uni sotishga qaror qilganini ma’lum qildi. Sobirovning ta’kidlashicha, oilasi hozirda kichik bo‘lib, farzandlari yosh ekanini hisobga olib, bunday katta hovlida yashash ular uchun qulay emas.
“Bu uyni katta niyatlar bilan olgan edim. Lekin hozir oilamiz kichik, bolalarim hali yosh.
Shu sababli uyimni sotishga qaror qildim”, — deya izoh berdi xonanda. Ushbu qaror muxlislar o‘rtasida turli fikr-mulohazalarga sabab bo‘ldi.
Ayrimlar uning qarorini to‘g‘ri deb topishgan bo‘lsa, boshqalar bu uyni xonandaning orzulari va kelajakdagi rejalari bilan bog‘liqligini eslab, hayratlarini yashira olishmadi.
