Abdurahim Abdukarimov X-Faktor 3-g‘olibi bo‘ldi
X-Faktor shousining 3-mavsumi g‘olibi tomoshabinlar ovoziga ko‘ra Abdurahim Abdukarimov bo‘ldi. Bu haqda Zamin.uz xabar berdi.
Uning iste’dodi, mehnatsevarligi va sahnadagi kuchli energiyasi tomoshabinlarning e’tirofiga sazovor bo‘ldi. Abdurahim “Mitti vayn” jamoasi a’zosi sifatida tanilgan bo‘lib, shou davomida samimiy chiqishlari, ovoz imkoniyatlari va sahnadagi ishonchi bilan ajralib turdi.
U har bir bosqichda nafaqat ijro mahorati, balki his-tuyg‘ulari orqali ham tomoshabinlar qalbiga yo‘l topa oldi. Shou davomida Abdurahim o‘z oldiga qo‘ygan maqsadini ochiq aytib o‘tgan edi.
U dastlabki chiqishlaridan birida: “Men ukam uchun yutaman”, degan edi. Finalda u ushbu so‘zlarini eslab, o‘z niyatiga erishganidan mamnunligini bildirdi.
X-Faktor sahnasi Abdurahim uchun katta imkoniyatlar eshigini ochdi. Endi uni yanada katta sahnalar, yangi ijodiy loyihalar va muxlislarning e’tibori kutmoqda.
Bu g‘alaba – iste’dod, mehnat va sabr-toqatning mukofoti bo‘ldi.
