Sitora Alimjonovani yig‘latgan film nomi ma’lum bo‘ldi
Aktrisa Sitora Alimjonovaga intervyu davomida qiziqarli savol berildi: "Sizni eng ko‘p ta’sirlantirgan va yig‘latgan o‘zbek filmi qaysi?" Ushbu savolga javob berishdan oldin san’atkor bir oz o‘ylanib qoldi. Bu haqda Zamin.uz xabar berdi.
Sitora Alimjonovaning so‘zlariga ko‘ra, uni chuqur his-tuyg‘ularga chulg‘agan va tomosha davomida ko‘z yoshlariga sabab bo‘lgan film — "Vatan" kartinasi ekan. Aktrisa ushbu filmni tomosha qilganida, undagi voqealar rivoji, mazmuni va hissiyotlar uni o‘ziga tortganini va mutlaqo befarq qoldirmaganini ta’kidladi.
San’atkorning fikricha, "Vatan" filmi nafaqat o‘zining chuqur mazmuni, balki milliy qadriyatlar, insoniylik va vatanparvarlikni aks ettiruvchi hissiyoti bilan ham tomoshabin qalbiga ta’sir qiladi. Shu sababli, bu film Sitora Alimjonova uchun juda katta ahamiyatga ega ekanligini bildirdi.
