Amerikalik mashhur qo‘shiqchi Beyonse Noulz-Karter boyligi 1 milliard dollardan oshgan beshinchi musiqachi sifatida tarixga kirdi. Bu haqda Zamin.uz xabar berdi.
Bu haqda “Forbes” nashri xabar berdi. Ma’lumotlarga ko‘ra, 2023 yilda Beyonse o‘zining “Renaissance” albomini qo‘llab-quvvatlash uchun o‘tkazgan xalqaro gastrol safari 600 million dollarga yaqin daromad keltirgan.
2025 yilda esa kantri yo‘nalishidagi “Cowboy Carter” albomi bilan tashkil etilgan navbatdagi tur chiptalar savdosidan 400 million dollardan ortiq, konsertlarda sotilgan suvenir mahsulotlar orqali yana 50 million dollar foyda olgan. Bundan tashqari, Beyonse o‘zining “Cécred” soch parvarishi brendi, “SirDavis” viskisi va 2024 yilda faoliyatini to‘xtatgan “Ivy Park” kiyimlar liniyasidan ham daromad topadi.
Shunga qaramay, uning moliyaviy muvaffaqiyatining asosiy manbai musiqiy faoliyatiga bog‘liq. Gastrollar, albomlar va sahnadagi faoliyati uning boyligining katta qismini tashkil qiladi.
Milliarder san’atkorlar orasida Beyonsening turmush o‘rtog‘i reper Jay-Z, shuningdek, Teylor Svift, Rianna va Bryus Springstin ham bor. Umuman olganda, “Forbes” nashrining milliarderlar ro‘yxatida ko‘ngilochar soha vakili bo‘lgan 22 nafar san’atkor qayd etilgan.
