«Avatar 3» 15 kunda 1 milliard daromad qilmoqda
Jeyms Kemeron tomonidan suratga olingan «Avatar: Olov va kul» filmi jahon miqyosidagi prokatda 1 milliard dollardan ortiq daromad to‘pladi. Bu haqda Zamin.uz xabar berdi.
Reuters agentligining ma’lumotiga ko‘ra, ushbu natijaga film atigi 15 kun ichida erishgan. Bu haqda kursiv.uz xabar berdi.
Filmning umumiy daromadining 310 million dollari AQSh va Kanada bozorlaridan tushgan bo‘lsa, xalqaro bozorlar 690 million dollar daromad keltirgan. AQShdan tashqarida eng katta daromad Xitoy, Fransiya va Germaniya davlatlarida qayd etilgan.
«Avatar» film seriyasining uchinchi qismi bo‘lgan ushbu film avvalgi qism — «Suv yo‘li» muvaffaqiyatlarini takrorlamoqda. Ma’lumotlarga ko‘ra, «Suv yo‘li» yakunda 2,3 milliard dollardan ortiq daromad to‘plagan edi.
«Olov va kul» esa 2025 yil ichida 1 milliard dollar to‘plagan birinchi film sifatida tarixga kirdi. Mutaxassislar yaqin bir oy ichida filmning raqobatchilari kamligi sababli uning umumiy daromadi 2 milliard dollardan ham oshishi mumkinligini taxmin qilmoqda.
